assorted table decors

घराच्या घरी बनवा नैसर्गिक साबण

आपल्या रोजच्या आयुष्यात लागणारया ज्या वस्तू आहेत त्यात स्वच्छतेसाठी साबण ही एक महत्वाची गरज आहे. काही कारणाने नोकरीसाठी घराबाहेर पडू न शकणाऱ्या महिलांना घरबसल्या कमाई कशी करावी अशी चिंता सतावत असते. याचे कारण म्हणजे दररोज वाढती महागाई आणि घर चालविण्याचा वाढलेला खर्च यांचा मेळ एकट्याच्या जीवावर होण्याऱ्या कमाईबरोबर घालणे अवघड होते. यामुळे अनेक महिलांना आपणही या घरखर्चाचा काही भाग उचलावा अशी इच्छा असते.

घरातून व्यवसाय सुरु करायचा तर जो व्यवसाय कमी जागेत, फावल्या वेळात आणि कमी गुंतवणुकीत करता येईल त्यालाच प्रथम प्राधान्य दिले जाणार हे तर उघडच आहे. असाच एक फायदेशीर ठरणारा व्यवसाय आहे नैसर्गिक साबण तयार करणे. ज्यांना कलेची आवड आहे आणि कल्पनाशक्ती चांगली आहे अश्यांसाठी हा व्यवसाय कमाई बरोबरच त्यांच्या कलेची आवड पूर्ण करून देणारा ठरू शकतो. घरातील गृहिणी, शिक्षण घेत असलेल्या मुली किंवा पार्टटाईम नोकरी करणाऱ्या महिला, मुली सुद्धा हा व्यवसाय करू शकतात.

आज बाजारात शेकडो प्रकारचे, विविध सुगंधाचे, रंगांचे आणि आकाराचे आणि आकर्षक पॅकिंग मधील साबण उपलब्ध आहेत, आणि ते खरेदी करण्यासठी फार पैसे मोजावे लागत नाहीत. त्या तुलनेने नैसर्गिक पद्धतीने बनविलेले साबण महाग आहेत तरीही बाजारात अश्या नैसर्गिक साबणांना चांगली मागणी आहे. आरोग्य जागृतीमुळे ही मागणी वाढत चालली आहे. हे साबण त्वचेसाठी सुरक्षित असतात. त्यात आजकाल ‘ऑर्गनिक’ शब्द जादुई बनला असल्याने असे ऑर्गनिक साबण आवर्जून खरेदी करण्याकडे कल वाढता आहे.

विशेष म्हणजे छोट्या प्रमाणावर हा व्यवसाय सुरु करायचा असेल तर आपल्या स्वयंपाकघरात सुद्धा साबण बनविता येतात. त्यासाठी लागणारा कच्चा माल बाजारात उपलब्ध आहे. उत्तम दर्जाची लाय, नैसर्गिक सुगंधासाठी विविध नैसर्गिक पदार्थांचा, सुगंधी तेलांचा वापर आणि नैसर्गिक रंग वापरले तर उत्तम दर्जाचे साबण तयार होऊ शकतात. अर्थात या व्यवसायासाठी अगदी घरी करायचा असला तरी, थोडे प्रशिक्षण घेणे फायद्याचे ठरते तसेच व्यवसायाचा व्याप वाढला तर काही परवाने घ्यावे लागतात. ऑर्गनिक प्रमाणपत्र घेणे आवश्यक असते.

उत्पादन विकायचे तर जाहिरात हवी. त्यासाठी थोडा खर्च करावा लागतो पण सोशल मीडियाचा हुशारीने वापर या कामासाठी करून घेता येतो. विशेष म्हणजे या व्यवसायातून तुमच्या कल्पनाशक्तीला चालना मिळते आणि त्यामुळे तुमच्या उत्पादनाचे वेगळेपण ग्राहकांच्या मनावर ठसवून ग्राहक कायम राखता येतात. स्पा, ब्युटी पार्लर्स हेही तुमचे ग्राहक बनू शकतात त्यादृष्टीने प्रयत्न करावे लागतात.

अधिक माहिती साठी खालील लिंक वर क्लीक करा

माहिती शेअर करा
Share on whatsapp
Share on facebook
Share on twitter
Share on email

आधुनिक शेती,घरबसल्या करता येणारे डिजिटल व्यवसाय,तसेच व्यापार आणि अर्थकारण विषयांची बरीच माहिती वाचण्यासाठी आजच वार्षिक सभासद बना फक्त १० रुपये प्रति महिना

आपल्या माहितीसाठी
सतत विचारले जाणारे प्रश्न

आपली सदस्यता हि ३६५ दिवस म्हणजे १ वर्षासाठी असेल

आपण आम्हाला info@miatmanirbhar.com या पत्यावर ई-मेल करू शकतात. तसेच आम्हाला 7385571649 या नंबर वर फोन करू शकतात

आपण क्रेडिट कार्ड,डेबिट कार्ड, ७०+ बँकांचे नेट बँकिंग तसेच गूगल पे,पेटीम,फोन पे अशा विविध पद्धतीने पैसे भरू शकतात.

आम्ही दिवसेन दिवस जास्तीत जास्त माहिती देण्याचा प्रयत्न करतो आहे. तरीही आपल्याला काही विशिष्ट माहिती पाहिजे असल्यास आम्हाला संपर्क करा

closeup photo of silver iMac