हायड्रोपोनिक शेती – विज्ञानाचे शेतीला लाभलेले वरदान
तुम्हाला शेती करायची आहे का ? हो..नक्कीच. तुमच्याकडे शेती करण्यासाठी योग्य जमीन आहे का? नाही, त्याचीच तर अडचण आहे. पण कोण म्हणते शेती करण्यासाठी जमीन लागते, सगळेच. पण आम्ही जर म्हणालो जमिनीशिवाय आणि मातीशिवायही तुम्ही शेती करू शकाल आणि तेही उत्तम कमाईसहीत, तर तुमचा विश्वास बसणार नाही. पण हे खर असून सहज शक्य आहे फक्त हायड्रोपोनिक शेतीच्या माध्यमातून. दिवसेंदिवस वाढत जाणारी आपली लोकसंख्या हे आपल्या देशापुढील आव्हानही आहे व ती आपली ताकदही आहे. या लोकसंख्येच्या गरजेसाठी शहरीकरण जितके गरजेचे आहे तितकेच त्यांची भूक सुद्धा. पण शेतीपूरक जमिनीवरच जर टोलेजंग इमारती उभ्या राहिल्या तर शेती करायची कुठे. ह्या इमारतींमध्येच. कसे? हायड्रोपोनिक शेतीच्या माध्यमातून. अजूनही खरे वाटत नाही मग ही काही नजीकची उदाहरणे पहा. हर्बीवोर फार्म्स – मुंबई अंधेरी येथे फक्त १००० स्क्वे. फूट. एवढ्या जागेत २५०० व्यावसायिक झाडे लागवड केली आहेत. (प्रति महिना ५ लाखाहून जास्त उत्पन्न) चेन्नईस्थित राहुल ढोका यांनी स्वतःच्या टेरेसवर फक्त ८० स्क्वे.फूट जागेत ६००० झाडे यशस्वीरीत्या लावून
