सध्या संपूर्ण जगाला ‘कोरोना’ नावाच्या महामारीने सतावून सोडले आहे. जगातील ८०% हून जास्त लोकसंख्या आजच्या घडीला आपआपल्या घरातच राहून स्वतःला या रोगापासून सुरक्षित ठेऊ इच्छित आहे. युट्युब वरच्या नवनवीन रेसिपी पाहून आईचे काम स्वयंपाकघरातून जोमात सुरु आहे, बाबा हॉलमध्ये बसून लॅपटॉपवरूनच ऑफिसच्या कॉन्फरन्सला उपस्थित आहेत, ताई कॉलेजचा अभ्यासक्रम ऑनलाईन पुस्तके वाचून पूर्ण करत आहे आणि छोट्या चिंटूला पण त्याच्या बाई कॉम्पुटर वरूनच बाराखडी शिकवत आहेत असेच चित्र सध्या तुमच्याही घरात किंवा आजूबाजूला सुरु असेल. यावरून तुमच्या काय लक्षात येत आहे ? जगात आज ऑनलाईनच्या माध्यमातून जी क्रांती घडून आली आहे त्यामुळे घरी बसल्या बसल्या अनेक गोष्टी या सोप्या व सोयीस्कर झाल्या आहेत. म्हणजेच यापुढच्या काळात कोणत्याही ऑनलाईन गोष्टीला मागणी ही राहणारच. मग याच ऑनलाईनच्या माध्यमातून तुम्हाला जर पैसे कमवायची संधी उपलब्ध झाली तर ? स्वतःचा व्यवसाय व नोकरी सुरु असताना सुद्धा जर तुम्हाला डिजिटल मार्गाने पैसे कमविण्याचा खात्रीशीर पर्याय उपलब्ध झाला तर ? तर ..सोन्याहून पिवळेच ना… आपले पंतप्रधान मा.

तुम्ही बस-स्टॉप, रेल्वे-स्थानक, उद्यान किंवा सार्वजनिक ठिकाणी असाल तर एक गोष्ट हमखास तुमच्या लक्षात येईल की १० पैकी किमान ७ जण हे कानात हेडफोन्स लावून मनोरंजन किंवा तत्सम गोष्टींद्वारे स्वतःच्या आवडी-निवडी जपत असतात. कोणी गाणी ऐकत असतो, कोणी सिनेमा पाहत असतो तर कोणी ऑनलाईन शिक्षण घेत असतो आणि आजकाल तर काही ज्येष्ठ नागरिक वर्तमानपत्रे वाचण्याऐवजी ती चक्क ऐकत असतात. या सगळ्यांमध्ये एकच गोष्ट समान आहे आणि ती म्हणजे या प्रत्येक कृती मागे लपलेला आवाज. आवाजाची ही दुनियाच अजब आहे जी पूर्वी फक्त संगीत आणि सिनेमांपुरती मर्यादित होती ती आता एवढी पुढे गेली आहे की त्याचा संबंध हा आता प्रत्येक क्षेत्राशी जोडला जात आहे. तंत्रज्ञानातील वेगवान बदलांमुळे आजच्या या ऑनलाईन दुनियेत आवाजाला खूप महत्व प्राप्त झाले आहे. हे नक्की काय चालू आहे हे कळायला जड जात आहे का ? मग ही काही उदाहरणे पाहू म्हणजे तुम्हाला कळेल आम्ही नक्की कोणत्या संधीची तुम्हाला सविस्तर ओळख करून देणार आहोत. (image source – https://sugarmediaz.com/bahubali-voice-cast/)

आजच्या या संगणक आणि डिजिटल युगात ऑनलाईन किंवा इंटरनेटच्या माध्यमातून अनेक लोक चांगली कमाई करत आहेत हे ऐकून तुम्ही कधी आश्चर्यचकित झाला आहात का ? हो, अनेकदा… तुम्हालाही वाटते का आपणही या नव्या मार्गाद्वारे कमाई करण्याचा प्रयत्न करावा? हो नक्कीच…तर मग आमचा हा लेख आवर्जून वाचा कारण यामध्ये आम्ही एका अतिशय लोकप्रिय सोशल प्लॅटफॉर्मद्वारे घरबसल्या तुम्ही नियमित कमाई कशी करू शकता याची सविस्तर माहिती दिली आहे. आपल्या ग्राहकांपर्यंत खात्रीशीरपणे पोहचण्याचे प्रभावी माध्यम म्हणजे सोशल मीडिया हे आहे असे आज अनेक व्यावसायिकांना वाटते. फेसबुक, व्हाट्सअँप, लिंक्डइन, स्नॅपचॅट आणि इतर अनेक सोशल मीडिया माध्यमांपेक्षा इंस्टाग्राम या प्लॅटफॉर्मला व्यावसायिकांची सर्वात जास्त पसंती मिळत आहे. का? तर ही काही खात्रीशीर आकडेवारी पहा: (Source: https://famemass.com/instagram-statistics/) ऑनलाईन किंवा ऑफलाईन अशा दोनही व्यवसायांना इंस्टाग्राम हे फायद्याचे ठरत आहे आणि याच इंस्टग्रामद्वारे तुम्हाला पैसे कमवायचे असतील तर त्यासाठी या लेखात दिलेले मुद्दे विचारात घ्यावे लागतील. पण नक्की काय आहे हे इंस्टाग्राम? तर अगदी सोप्या भाषेत सांगायचे झाले तर

तुम्ही कधी Zomato वरून तुमच्या आवडीचे पदार्थ मागवले आहेत का? हो, अनेकदा.. तुम्ही कधी Uber किंवा Ola च्या माध्यमातून कॅब बुक करून प्रवास केला आहे का? हो, हे तर आम्ही नेहमीच करतो. ऑफिसमध्ये बसून सुद्धा तुम्ही कधी BookMyShow द्वारे सिनेमाची तिकिटे बुक करून त्या सिनेमाचा आनंद लुटला आहे का? हो, हे तर शुक्रवारच आमच ऑफिस मधील पहिल काम असत… तर मग अभिनंदन… तुम्ही डिजिटल युगात जगत आहात जिथे बरीच कामे ही चुटकीसरशी साध्य होतात. पण या सर्व गोष्टी आज आपल्याला एवढ्या सहज उपलब्ध का झाल्या आहेत याचा तुम्ही कधी विचार केला आहे का? तर याला दोन प्रमुख कारणे आहेत आणि ती म्हणजे इंटरनेटचा वाढता प्रसार आणि डिजिटल मार्केटिंगचा योग्य वापर. यातील इंटरनेट आणि मोबाईल तर आता माणसाच्या अन्न, वस्त्र आणि निवारा या मूलभूत गरजांनंतच्या तयार झालेल्या आधुनिक गरजा होऊन बसल्या आहेत, मग ती व्यक्ती शहरातील असो किंवा गावातील, विश्वास बसत नसेल तर हे पटवून देणारी ही आकडेवारी पहा: (Source: https://timesofindia.indiatimes.com/business/india-business/for-the-first-time-india-has-more-rural-net-users-than-urban/articleshow/75566025.cms)

ई -कॉमर्स क्षेत्रात एखादा व्यवसाय सुरु करण्याची तुमची प्रबळ ईच्छा आहे का ? हो…अनेक दिवसांपासून याच गोष्टीचा विचार डोक्यात सुरु आहे पण सुरुवात कुठून करावी हेच कळत नाहीये असे काहीसे तुमचे झाले असेल तर काळजी करू नका कारण तुम्हाला एकट्यालाच असे वाटते असे नाही तर ७५% हून अधिक लोक सध्या याचाच विचार करत आहेत. Shopify हे नाव तुम्ही कधी ऐकले आहे का? नाही… मग ई-कॉमर्स वेबसाईट काय असते किंवा ती कशी बनवता येते याची काही तुम्हाला कल्पना आहे का ? हो..थोडीफार माहिती आहे. मग Shopify हे दुसरे तिसरे काही नसून ई-कॉमर्स वेबसाईट बनविण्याला उपलब्ध असलेला एक उत्तम पर्याय आहे. पण तुम्ही म्हणाल स्वतंत्र ई-कॉमर्स वेबसाईट पेक्षा Shopify कसे काय उजवे ठरेल ? तर त्याला अनेक कारणे आहेत जी आम्ही या लेखात सविस्तरपणे मांडली आहेत जेणेकरून तुम्हाला तुमचा ई-कॉमर्स व्यवसाय सुरु करण्यासाठी ई-कॉमर्स वेबसाईट बनवायची आहे का Shopify वापरायचे आहे हे स्पष्ट होईल. पण तत्पूर्वी Google प्लॅटफॉर्मवर ऑनलाईन व्यवसायाशी निगडित माहिती

आजच्या या स्पर्धात्मक युगात प्रत्येकाला आर्थिक स्थैर्य हवे आहे, त्यासाठी कोणी सरकारी नोकरीला प्राधान्य देत आहे तर कोणी उच्च पगाराच्या खाजगी नोकरीला प्राधान्य देत आहे आणि ज्यांना नोकरीमध्ये स्वारस्य नाही ते व्यावसायिक बनू पाहत आहेत. प्रत्येकजण जमेल त्या मार्गाने पैसे कमवीत आहे पण वाढत्या महागाईमुळे आज प्रत्येकाला एका अतिरिक्त कमाईच्या मार्गाचीही गरज भासू लागली आहे आणि यातील सर्वात खात्रीशीर आणि सोपा मार्ग म्हणजे ऑनलाईन व्यवसाय. तुमची नोकरी किंवा सुरु असलेला व्यवसाय सांभाळून जर तुम्हाला अतिरिक्त पैसे कमविण्याची संधी मिळाली तर? उत्तमच ना. बाजारात कोणत्या वस्तूंना चांगली मागणी आहे हे तुम्ही हेरू शकता का? हो नक्कीच. मग या ऑनलाईनच्या दुनियेतील एक अजब आणि जबरदस्त व्यवसाय संकल्पना म्हणजे ड्रॉपशिपिंग. हे नाव कधी ऐकलाय का ? नाही ना.. मग हा लेख नीट वाचा कारण यामुळे तुमच्यासाठी एका नवीन संधीच दार नक्कीच उघडल जाईल जे तुम्हाला खात्रिशीर कमाई सोबतच स्वावलंबी होण्यासही मदत करेल.           पूर्वी खरेदी-विक्री ही प्रत्यक्ष दुकानात जाऊनच करावी लागत असे परंतु आज

सोशल मीडियाच्या किंवा डिजिटल माध्यमांच्या माध्यमातून अनेकजण महिना लाखो रुपयांची कमाई करत आहेत असे तुम्ही अनेकदा ऐकल असेल. तुमचा यावर खरच विश्वास आहे का? नाही… तर मग ही आकडेवारी तपासा.. (Image Source – https://www.statista.com/) जगातील नामवंत फुटबॉलपटू क्रिस्टियानो रोनाल्डो याचे २०० मिलियनपेक्षा जास्त फॅन फॉलोअर्स असून प्रत्येक प्रायोजित पोस्टमागे तो $१ मिलियन (अंदाजे ७.५ कोटी रुपये) कमवितो. आपल्या भारतीय क्रिकेट संघाचा कर्णधार विराट कोहली याचेही ५० मिलियनपेक्षा जास्त फॉलोअर्स असून तो सुद्धा प्रत्येक प्रायोजित पोस्टमागे अंदाजे ८८ लाख रुपये कमवितो. यातील १% कमाई जरी साध्य झाली तरी आपल्यातील अनेक जण खुश होतील. पण तुम्ही म्हणाल हे तर खूप मोठे मोठे सेलिब्रिटी झाले…तर असेही अनेक सामान्य लोक आहेत जे डिजिटल प्लॅटफॉर्म्सचा वापर करून सेलिब्रिटी झाले आहेत आणि याच माध्यमातून ते महिन्याला लाखो रुपये सुद्धा कमावीत आहेत. पण कोण आहेत हे लोक आणि महिना लाखो रुपये कमविणे कसे यांना शक्य होते? तर या लोकांना तांत्रिक भाषेत ‘Influencer’ असे म्हणतात. पण म्हणजे नक्की

स्वतंत्रपणे काही उद्योग व्यवसाय करायची इच्छा आहे आणि कमी गुंतवणुकीत चांगला फायदा हवा आहे, लहान जागेत उत्पादन पूर्ण क्षमतेने घेता यायला हवे अशीही इच्छा आहे, त्या नवउद्योजकांनी कोल्ड प्रेस तेल घाणा या व्यवसायाचा विचार जरूर केला पाहिजे. या व्यवसायाचे आपल्या मराठी भाषेतील आखूड शिंगी, बहुगुणी म्हैस असेही वर्णन करता येईल. आजकाल आहार आणि आरोग्य या बाबत जनता खुपच जागरूक झाली आहे. आहारात घेतले जाणारे तेल, तूप हे तर फारच जिव्हाळ्याचे विषय बनले आहेत. कोणती तेलं रोजच्या आहारात असावीत, ती रिफाईंड हवीत की डबल फिल्टर्ड याचाही विचार केला जात आहे. आहाराशिवाय मसाज, औषधे, वंगण, डिटर्जंट बनविण्यासाठी सुद्धा तेलांचा वापर होतो. आपल्याकडे वनस्पतीजन्य तेलांचा वापर प्रामुख्याने आहारात केला जातो. नवीन संशोधनातून जास्त प्रक्रिया न झालेली तेलं आहारात घेणे आरोग्यासाठी हितकर आहे असे सिद्ध होऊ लागल्याने कोल्ड प्रेस घाणी मध्ये तयार झालेले तेल वापरण्याकडे लोकांचा कल वाढतो आहे. ही तेलं थोडी महाग असली तरी जास्तीचे पैसे देण्यास लोक तयार आहेत, असेही दिसून आले

आपल्या रोजच्या आयुष्यात लागणारया ज्या वस्तू आहेत त्यात स्वच्छतेसाठी साबण ही एक महत्वाची गरज आहे. काही कारणाने नोकरीसाठी घराबाहेर पडू न शकणाऱ्या महिलांना घरबसल्या कमाई कशी करावी अशी चिंता सतावत असते. याचे कारण म्हणजे दररोज वाढती महागाई आणि घर चालविण्याचा वाढलेला खर्च यांचा मेळ एकट्याच्या जीवावर होण्याऱ्या कमाईबरोबर घालणे अवघड होते. यामुळे अनेक महिलांना आपणही या घरखर्चाचा काही भाग उचलावा अशी इच्छा असते. घरातून व्यवसाय सुरु करायचा तर जो व्यवसाय कमी जागेत, फावल्या वेळात आणि कमी गुंतवणुकीत करता येईल त्यालाच प्रथम प्राधान्य दिले जाणार हे तर उघडच आहे. असाच एक फायदेशीर ठरणारा व्यवसाय आहे नैसर्गिक साबण तयार करणे. ज्यांना कलेची आवड आहे आणि कल्पनाशक्ती चांगली आहे अश्यांसाठी हा व्यवसाय कमाई बरोबरच त्यांच्या कलेची आवड पूर्ण करून देणारा ठरू शकतो. घरातील गृहिणी, शिक्षण घेत असलेल्या मुली किंवा पार्टटाईम नोकरी करणाऱ्या महिला, मुली सुद्धा हा व्यवसाय करू शकतात. आज बाजारात शेकडो प्रकारचे, विविध सुगंधाचे, रंगांचे आणि आकाराचे आणि आकर्षक पॅकिंग मधील साबण

प्रिंट ऑन डिमांड – आत्मनिर्भर होण्याचा एक अनोखा पर्याय तुम्ही कल्पक आहात का ? हो.. तुमच्या कल्पकतेचा तुम्ही योग्य वापर करत आहात का? कदाचित नाही.. तुमची नोकरी अथवा व्यवसाय सांभाळून तुम्हाला तुमच्या कल्पकतेचा वापर करून सोप्या आणि खात्रीशीर मार्गाने चांगले पैसे कमवायचे आहेत का ? हो, नक्कीच.. मग तुम्हाला ‘प्रिंट ऑन डिमांड’ या मॉडेलद्वारे आपल्या भन्नाट कल्पकतेचा वापर करण्याची सुवर्णसंधी तर आहेच पण त्याचबरोबर कोणतीही गुंतवणूक न करता स्वतःचा एक वेगळा ई -कॉमर्स व्यवसायही तुम्ही सुरु करू शकता. पण काय आहे हे प्रिंट ऑन डिमांड ? तर अगदी सोप्या भाषेत सांगायचे झाले तर ‘मागणी तशी छपाई’ आणि ती पण ग्राहकाला आवडेल त्या वस्तूवर. अधिक समजून घेण्यासाठी ही काही प्रिंट ऑन डिमांड उत्पादने पहा. 1) मेसेज असलेला टी-शर्ट                                   2) आवडता मेसेज छापलेले मोबाईल कव्हर 3) डिझाईन छापून बनविलेला कॉफी मग                      4) पाहिजे तो मेसेज छापून बनविलेली कॅप 5) आपल्या आवडीचे डिझाईन छापून तयार केलेले वेगवेगळे प्रॉडक्ट्स अश्याच प्रकारे तुम्ही जिम बॅग,

आज शहरांची लोकसंख्या ज्या प्रमाणात वाढत चालली आहे त्यामुळे अनेक प्रकारचे व्यवसाय गरजेचे ठरू लागले आहेत. बाहेरून शिक्षण, नोकरी निमित्ताने शहरात येणारा मोठा वर्ग आहे आणि त्यामुळेही शहरातून रेस्टॉरंट, हॉटेल्स, खानावळी, घरगुती डबे अश्या अनेक व्यवसायांची वाढ प्रचंड वेगाने होते आहे. त्यात आजकालच्या ट्रेंडमध्ये फूड ट्रकची भर पडली आहे. परदेशातून फूड ट्रक चांगलेच रुळले आहेतच पण भारतात सुद्धा आता चांगल्या संख्येने फूड ट्रक दिसू लागले आहेत. जर तुम्हाला मनापासून पदार्थ बनविण्याची आवड असेल आणि तुमच्या हाताला चांगली चव असेल, परिचित, नातेवाईक यांच्यात तुम्ही बनवत असलेल्या पदार्थांचे चांगले कौतुक होत असेल तर तुम्हीसुद्धा हा व्यवसाय सुरु करण्याबाबत विचार करू शकता. रेस्टॉरंट सुरु करण्यापेक्षा हा व्यवसाय कमी गुंतवणूक करून सुरु करता येतो आणि योग्य प्रकारे नियोजन केले तर फायदेशीर सुद्धा ठरू शकतो. फूड ट्रक मध्ये दोन पर्याय प्रामुख्याने दिसतात. एक छोटे ट्रक किंवा डबल डेकर ट्रक. हा व्यवसाय करतना ट्रक ही मुख्य गुंतवणूक असली तरी सुरवात भाड्याने ट्रक घेऊन किंवा सेकंड हँड

अनेक जण स्वतःचा व्यवसाय सुरु करतात. तो व्यवसाय काही उत्पादन करणारा असेल तर ती उत्पादने बाजारात किती संख्येने विकली जातील यावर व्यावसायिकाची कमाई ठरते हा व्यवसायाचा प्राथमिक नियम म्हणता येईल. पण अमेरीकेच्या न्युयॉर्कमध्ये राहणारी चेल्सी याला अपवाद म्हटली पाहिजे.  म्हणूनच तिच्या व्यवसायाची गोष्ट आपण जाणून घेतली पाहिजे. आपण तयार केलेला माल न विकताही प्रचंड कमाई करण्याचा पराक्रम चेल्सी करते आहे. चेल्सी बेकिंग करते आणि विविध प्रकारचे केक तयार करते. मात्र,  ते केक ती कधीच विकत नाही. तरीही तिची कमाई खूप आहे. व्यवसायाचा हा अनोखा फंडा चेल्सीने कसा आत्मसात केला हे तिनेच तिच्या शब्दात सांगितले आहे. चेल्सी ‘चेलस्वीट क्लब’ नावाचा ऑनलाईन चॅनल चालविते आणि केक बेकिंग संदर्भात अनेक संबंधित उपद्व्याप करते.  मात्र, ते केक विकत नाही.  येथे तिनेच तिच्या व्यवसायाची माहिती दिली आहे. बेकिंग पार्श्वभूमी नाही- चेल्सीला स्वयंपाकाची कधीच आवड नव्हती. परिणामी आई, आजी बरोबर तिने स्वयंपाकघरात कधीच काम केले नाही. तिच्याकडे कोणत्याही पारंपारिक अथवा खास रेसिपीज नव्हत्या तसेच बेकिंगची कोणतीही

सामान्यपणे ऑनलाईन व्यवसाय (Online bussiness) सुरू करताना व्यावसायिक आपल्या उत्पादनाभोवती सर्व व्यवसायाची आखणी करतात. आपली वेबसाईट तयार करतात. जाहिरातींचे नियोजन करतात. ऑनलाईन शॉपिंग कार्ट (Online shopping cart, स्टोअरवर आपले उत्पादन ग्राहकांना उपलब्ध होऊ शकेल यासाठी सुविधा मिळवोन देतात. ही सर्व आखणी उत्पादनाच्या भोवतीच केलेली असते. आपला व्यवसाय भरभराटीला येणार याची त्यांना खात्रीच असते. मात्र या सर्व खटाटोपात सर्वात प्राथमिक पायरीच ओलांडणे राहून जाते. ते म्हणजे आपल्या उत्पादनाची ग्राहकाला गरज आहे का, ग्राहक हे उत्पादन विकत घेऊ इच्छितात का, याचा सारासार विचार करणे अत्यावश्यक आहे. ऑनलाईन व्यवसायात खात्रीपूर्वक यश मिळवायचे असेल तर काहीतरी विलक्षण कल्पना लढवून आपले उत्पादन किंवा सेवा विकसित करणे आणि मग ते विकले जाण्याची वाट बघणे यापेक्षा सध्या जे विकले जात आहे, ज्याची समाजात गरज आहे, ज्याला बाजारपेठेत मागणी आहे, असे उत्पादन किंवा सेवा बाजारपेठेत आणणे सोपे आहे. कोणतेही उत्पादन बाजारात नाही यामागे कोणी यापूर्वी त्याच्याबद्दल विचारच केलेला नाही असे समजण्याचे कारण नाही. कोणीतरी त्याचा विचार केलेला असतो.

  तुम्ही व्यावसायिक, उद्योजक आहात तर तुम्हाला तुमच्या व्यवसायाची नोंदणी सूक्ष्म, लघु, मध्यम उद्योग अशा कोणत्याही श्रेणीमध्ये करण्यासाठी जो विशिष्ट नंबर घ्यावा लागतो त्याला उद्योग आधार असे म्हटले जाते. हा उद्योग आधार नंबर कसा मिळवायचा याची माहिती या लेखात देण्याचा प्रयत्न केला आहे. वरील श्रेणीतील कोणताही व्यवसाय सुरु करण्यासाठी नोंदणी करावी लागते याची माहिती अनेकांना असेल. ही नोंदणी करण्यासाठी पूर्वी जी प्रक्रिया होती ती अतिशय क्लिष्ट, वेळ खाणारी आणि अनेक कागदपत्रांची आवश्यकता असलेली अशी होती. त्यासाठी खूप वेळ द्यावा लागत असे आणि लाल फितीच्या कारभाराला तोंड द्यावे लागत असे. मात्र आता सरकारने नव्याने आणलेली उद्योग आधार प्रक्रिया अतिशय सुलभ, सोपी, मोजक्या कागदपत्रांची गरज असलेली अशी आहे. तुमचा उद्योग किंवा व्यवसाय सूक्ष्म, लघु किंवा मध्यम श्रेणीतील असेल आणि तुम्ही तशी नोंदणी केलेली नसेल तर तुम्ही अनेक सरकारी फायदे घेण्यास मुकता आहात हे लक्षात घ्यायला हवे. योग्य त्या श्रेणीत आपल्या उद्योगाची नोंदणी करून उद्योग आधार मसुदा (उद्योग आधार मेमोरँडम) करून तुम्ही अनेक

माणसाच्या आयुष्यातील तीन मुलभूत गरजा म्हणजे अन्न, हवा आणि पाणी हे आपण पूर्वीपासून ऐकत आलो आहोत. माणसाची जात, जमात, धर्म, वंश, जेंडर काहीही असो, तो श्रीमंत असो, गरीब असो सर्वांच्या या प्राथमिक गरजा आहेत. भूतकाळातही याच गरजा होत्या, वर्तमान काळातही आहेत आणि भविष्यात सुद्धा राहणार आहेत. तुमच्या देशाची अर्थव्यवस्था भक्कम असो किंवा ढासळलेली असो, या मूळ प्राथमिक गरजा बदलत नाहीत. या दृष्टीने कायम मागणी असलेली गरज आहे अन्न किंवा खाद्यपदार्थ यांची. तुमचा स्वतःचा काही व्यवसाय सुरु करण्याचा विचार असेल पण त्यासाठी भांडवल कमी असेल तर तुम्ही खाद्यपदार्थ संबंधित व्यवसायांचा नक्की विचार करू शकता. यासाठी फार मोठ्या भांडवलाची गरज नसते तर उत्तम नियोजन आणि उद्योगासाठी आवश्यक परवाने, परवानग्या यांची गरज असते. शॉप अॅक्ट, एफएसएसएआय नियमानुसार आवश्यक परवाने आणि परवानगी त्यासाठी घ्यावी लागते. अर्थात या व्यवसायात पाउल घालायचे ठरवत असाल तर तुम्हाला काय परवडेल याचा जसा विचार करायला हवा तसेच नक्की कोणते पदार्थ आपण बनवू शकतो आणि त्याचा खप किती याचाही आढावा

भारतासारख्या विशाल देशात विविध प्रांतात हवामान, जमीन, पाणी यांची विविधता असल्याने अनेक प्रकारांनी येथे कृषी उत्पादने आणि त्यांच्याशी संबंधित जोड व्यवसाय केले जातात. प्रत्येक राज्याची काही खास पिके, उत्पादने आहेत. कृषी व्यवसाय फायदेशीर होण्यासाठी अधिक धान्य उत्पादन होणे गरजेचे असते. यामुळे पिके घेताना अधिक उत्पादन मिळावे यासाठी जसा रासायनिक किंवा कृत्रिम खतांचा वापर केला जातो तसेच किडी, कीटकांपासून पिकांना संरक्षण मिळावे यासाठी कीड आणि कीटक नाशके मोठ्या प्रमाणावर वापरली जातात.  कृत्रिम खतांच्या दीर्घकाळ आणि अतिवापराने जमीनचा कस कमी होत जातो आणि क्षार साठून राहिल्याने अनेकदा जमिनी नापीक होतात. तसेच कीड आणि कीटकनाशकांच्या अति वापराने सुद्धा पिकांची गुणवत्ता, कस कमी होतो, द्राक्षे, आंबा, संत्री अश्या अनेक फळांमध्ये कीटकनाशकांचा अंश उतरतो आणि अशी फळे, भाज्या माणसाच्या शरीराला नुकसान पोहोचवितात हे आता सिध्द झाले आहे. परिणामी नैसर्गिक पद्धतीने वाढविलेली धान्य उत्पादने, फळे, भाज्या किंवा नैसर्गिक चाऱ्यावर, आहारावर पोसलेल्या जनावरांचे दुध व त्यापासून बनलेले दुग्धजन्य पदार्थ याना आजकाल मागणी वाढते आहे. सर्वसामान्य नागरिकांनाही नैसर्गिक

अनेकांना आपण एखादा व्यवसाय सुरु करावा अशी इच्छा असते पण नक्की कोणता व्यवसाय निवडावा याचा निर्णय घेता येत नाही. कुणालाही करता येणारे अनेक प्रकारचे व्यवसाय आहेत. त्यासाठी लागणारे भांडवल कमी जास्त असू शकते तसेच प्रत्येक व्यवसायाच्या, जागा, उपकरणे यांच्या गरजा वेगळ्या असू शकतात. पण आपली आवड जपली जाईल आणि त्यातून काही कमाई करता येईल असेही काही व्यवसाय आहेत. त्यात सध्या वेगाने वाढत असलेल्या पाळीव प्राणी संदर्भातील व्यवसाय या दृष्टीने विचार करण्यासारखे आहेत. या व्यवसायातून काय मिळणार असे एखाद्याला वाटू शकते पण आजची विभक्त कुटुंबे, घरात एकच किंवा अजिबात अपत्य नसणे, ज्येष्ठ नागरिकांना एकेकटे राहण्यामुळे जाणवणारा एकटेपणा अश्या अनेक कारणांनी हे व्यवसाय चांगल्या वेगाने वाढत आहेत. पाळीव प्राण्यांशी संबंधित कोणते व्यवसाय करता येतात याची माहिती येथे घेऊ. आज अनेक कुटुंबात एखादा पाळीव प्राणी विशेषतः कुत्रा पाळला जात आहे. घरातल्याची आवड म्हणून, कधी मुलांचे हट्ट म्हणून कुत्री, मांजरे, मासे पाळले जातात तर कधी घरी गुरेढोरेही पाळली जातात. पण हौस आणि आवड म्हणून

जगभरात आज महिला पुरुषांच्या बरोबरीने सर्व क्षेत्रात कार्यरत आहेत. पण तरीही भारताचा विचार केला तर आजही लाखो महिला केवळ गृहिणी म्हणून जगत आहेत. वाढत्या महागाई मुळे घरखर्च चालविण्यासाठी पती पत्नी दोघांनाही नोकरी करावी लागते मात्र अनेक महिला घरातील जबाबदारी मुळे घराबाहेर पडून नोकरी अथवा उद्योग व्यवसाय करू शकत नाहीत. घरातील खर्चाला हातभार लावावा आणि आर्थिक दृष्ट्या स्वावलंबी व्हावे अशी अनेकींची इच्छा असते. अश्यावेळी आपल्या छंदाचे, आवडीचे रुपांतर आपण घरगुती म्हणजे घरबसल्या करता येणाऱ्या व्यवसायात करू शकतो. यामुळे आवड जपल्याचे, छंद पुरे करण्याचे समाधान मिळेल शिवाय अर्थार्जन सुद्धा होईल. या प्रकारचे अनेक व्यवसाय आहेत जे महिला घरबसल्या, फावल्या वेळात करू शकतात आणि हे व्यवसाय यशस्वी ठरले तर त्याची व्याप्ती वाढवून पूर्ण वेळ व्यावसायिक म्हणूनही काम करू शकतात. अर्थात स्वतंत्र व्यवसाय म्हटले म्हणजे त्यात थोडी रिस्क आहे. काही व्यवसायांना प्रशिक्षणाची गरज नाही तर काही व्यवसायांसाठी प्रशिक्षण घेणे किंवा त्या क्षेत्रातले शिक्षण झालेले असणे आवश्यक आहे. असे कोणते व्यवसाय घरबसल्या करता येतील याची